2023 оны 06-р сарын 1-р арав хоногийн ХААЦУ-ийн тойм.

Агаарын температур: Нийт  сумдын  нутгаар  арав   хоногийн   агаарын  дундаж температур 16.5-20.4 градус   дулаан,   агаарын  хамгийн  их  температур 28.2-31.2 градус дулаан,  хамгийн бага  температур 0.1 7.4 градус дулаан. Хөрсний  дундаж температур  20.7-26.7 градус дулаан,  хамгийн  их  температур  46.5-61.6 градус дулаан,  хамгийн  бага  температур 0.3-4.9 градус  дулаан байлаа.

Хур тунадастай өдрийн тоо, тунадасны хэмжээ:  Сүхбаатар, Баянгол, Орхон, Ерөө,  Мандал, Бугант  сумдын нутгаар  8.1-12.8мм, бусад сумдын нутгаар 0.4-6.6мм  тунадас 2-6 өдөр орсон  байна.

Салхитай өдрийн тоо,  хамгийн их хурд: Сүхбаатар, Баянгол,  Ерөө, Орхонтуул, Цагааннуур, Мандал, Зүүнбүрэн сумдын нутгаар салхи 11-19м/с бусад сумдын нутгаар 3-8м/с  салхитай байлаа. 

Бэлчээрийн болон таримал ургамлын үе шат, өндөр, ургалтын балл  6-дугаар сарын 10-ны байдлаар ургамлын  ургалт 60 гаруй хувьд нь  сайн, 30 хувьд  дунд, ургамлын дундаж өндөр Орхон, Ерөө, Зүүнбүрэн, Түшиг сумдын нутгаар  7-8см, бусад сумдын нутгаар 4-6см.

Улаанбуудайн ургалтын байдал ихэнх сумдын нутгаар сайн, Цагааннуур, Баянгол, Орхон, Орхонтуул, Ерөө  сумдын нутгаар 3 дахь навчлалтын үе шат ажиглагдсан, ургамлын дундаж өндөр  14-16см байна.

Хөрсний чийгшил: Буудай, төмсний талбайн 0-20см-ийн гүнд Цагааннуур хангалттай, Баянгол,  Ерөө, Орхонтуул сумдын нутгаар дунд, Орхон, Мандал хангалтгүй, 0-50см-ийн гүнд Цагааннуур, Орхонтуул сумдын нутгаар хангалттай, Баянгол, Ерөө дунд, Орхон, Мандал хангалтгүй, 0-100см-ийн гүнд Орхон, Мандал хангалтгүй, Цагааннуур, Баянгол, Ерөө, Орхонтуул, сумдын нутгаар  хөрсний чийг дунд.

Бэлчээрийн талбайн: 0-20, 0-50, 0-100см-ийн гүнд Баянгол, Орхон, Ерөө сумдын нутгаар  хөрсний чийг хангалгүй байна.

Бэлчээрийн ургамлын хөнөөлт царцааны ажиглалт: Нийт сумдын нутгаар царцаа ажиглагдаагүй.

Хөдөө аж ахуйн үйлдвэрлэлд: МАА-н үйлдвэрлэлд  малд нэмэгдэл тэжээл өгөх, мал оторлох,  бод  мал төллөх, мал хээлтүүлэх, газар тариаланд төмс, хүнсний ногоо тариалах, үр суулгах  ажилууд явагдаж  байна.